شايف كيكل قام يتغزل في شريكه السابق , المرحوم كما يقولون سابقا ,طلع صوام رقيق القلب والفواد يبكي كلما سمع بانتهاك لحرمات الضعاف العزل الذى احال حياتهم الي جحيم , طبعا الكلام دا مناسب جدا للمجموعة الاجتمع معها كيكيل قيل انهم كيزان, وقال لي احدهم الكوز وحبيتو يعملوا السبع وزمتها ثم في الصباح يسألها : هل قمت الليل يا فلانة؟
وهم زاتهم لمن كان شريكهم قالوا فيه الكثير جدا من صفات أهل الصلاح والتقى , لكن حسبك قول كوزة في مؤتمر اهل السودان بعد الثورة أن الكنداكات لم يشعرن بالأمان إلا في ظل الدعم السريع , وان نساء السودان يتشرفن بأن لبس الدعم السريع مهر لك كنداكة شريفة أو كما قالت , حسب رأيي كان تقصري الشرف على كوازات السودان كان ما يكون عندنا معاك اي مشكلة
وطبعا البرهان كان بتغزل في حميدتي وحميدتي يبادل الغزل , لمن الشريكين اتفقوا -اصل كان متفقين من زمان , وكانت هدية زواج المصلحة تبعهم الانقلاب واستلام حكم السودان – يعني يا سودانيين عايزنهم يمشوا شهر العسل في اوروبا ؟ دا تبذير وضياع لأموال السودانيين هؤلاء الأتقياء الورع لا يمكن أن يفعلوه لكن الشريكين الكيوت -ياحلاتهم وبرائتهم , لكن العين صابتهم –
اختلفوا فقرروا يدمروا عش الزوجية السودان -فجاء بقين نسمع شتائم بيناتهم ,الكيوت بقوا متوحشين جدا, تهديدات بالقتل , ودمروا عش الزوجية في أيام معدودة –كيف هان عليك الايام الحلوة والجميلة القضيتوه مع بعض وين كل الكلام الحلو الكنت بتقول لبعض- لكن زي ما بقولوا العِشرة ما بتهون إلا على اللي خانها من بدري، ولبس وشّ الطيبة غصب عن طبعه الردي
الاكس تعني الشريك او الخطيب السابق
وطبعا كيكل حاليا ليه فترة بعد خل شريكه السابق وانتقل الى الاكس بتاع حميدتي (البرهان) , فارد عضلات وشواربه , وحتى جبريل وزير المالية الحالي , والرجل يحسب له ان بندقية من بداية الخلاف بين الشريكين ما غيرت ولاءها, شكى علنا وقال في لقاء ان كيكل هددوا, وهو قال ان كيكل كشخص نظامي ما فروض يهدد وزير -والاصح أن يقول جبريل لا يصح ان يهدد اي مواطن, ولازام يتحاسب على ذلك, ودا نقطة تاني تحسب لي جبرايل ماقال ليه بلغة العضلات بتاعتوا انتا الجزيزة دا الحررها منو
يعني يا كيكل الكلام دا معناه ان فرد العضلات والهمبتا المشهورة بيها الاكس بتاعك (حميدتي , حماية بشير ) ما بتنفع , والجزيرة ومشروعها البتكلم عن انتا وحاليا عامل بتدافع ليه , انت والاكس ما عثت فيها فسادا وقتل للابرياء العزل والاطفال والنساء, وحتى اولاد الاكس لمن سمعوا بطلاقك من حميدتي شعروا بالخيانة والخذلان, فقاموا بقتل عدد كبير من أهلنا الجزيرة الطيبين الأبرياء العزل وارتكبوا جرائم يندى لها الجبين وصوروها , وأهل الجزيرة لا كان لهم رأي أو حتى استشارة في موضوع ارتباطك مع الاكس , ولا حتى لمن قررت ان الاكس بتاعك حميدتي بقي ما كيوت وما نافع معاك ما شاورت ناس الجزيرة, يعني انتي ترتبط وتفسخ وناس الجزيرة المساكين يتلقون الرصاص والموت
لكن السؤال هنا شريكك الجديد بالبرهان موافق على كلام القلت دا عن الاكس بتاعك وبتاعوا, زوج اللوز والدوس كان بينهم معارك طاحنة جدا بعد الانفصال , فما تكون جرحت شعور المرهف و قلبت عليه المواجع , لكن اظن في ضوء اخضر , هل الاجاويد ادخلوا وقالوا للبرهان هدي اللعب مع الاكس بتاعك وخت الكورة واطة , وهل في ترتيبات لي جوز اللوز والدوس القديم يرجعوا لي بعض , وهل سيعيش السودانيين دراما عاطفية جديدة , يكون لجوز اللوز والدوس دور وجود فيها
طبعا الناس اللي عندها رأي في الحل المدني وتداول السلطة نقول ليكم جوز اللوز والدوس طريقتهم الوحيد لحل الخلافات العاطفية بينهم هي القتل والتدمير , زي الافلام لمن المراة تجرح مشاعرها او تشعر بالخيانة , تفرغ غضبها وبتبدا بتكسير البيت و حاجات البيت وبتقول
(it felt good ) شعرت بتحسن
المصادر
https://www.ajnet.me/politics/2024/10/25/20-حالة-اغتصاب-وأكثر-من-300-قتيل-انتهاكات